Սեմինար-պարապմունք 08.05.2017թ.

IMG_9261.JPG

Սեմինար-պարապմունք, թեյախմություն ծնողների հետ.

Մայիսի 8-ին, ժամը 14:00-ին նախատեսում ենք հրաժեշտ-հանդիպում 1.1 դասարանի սովորողների ծնողների հետ:

Հանդիպման ընթացքում ՝

1 . Ամփոփ կներկայացնենք ուսումնական տարվա մեր աշխատանքները

  1.  Ծանոթություն, ուսումնական առաջիկա ծրագրերի քննարկում Տաթև Ավետիսյանի հետ
  2. Թեյախմություն

Տե՛ս նաև Տաթև Ավետիսյան-ի բլոգում

Реклама
Рубрика: Uncategorized | Оставить комментарий

«Հրազդա՛ն, դո՛ւ ես իմ այսուհետև նազելի՛ բնակարան»

Աղոթքը՝ մանկան շուրթերից՝ «Զգործս ձեռաց մերոց ուղիղ արա ի մեզ, Տէր,

եւ զգործս ձեռաց մերոց յաջողեա ի մեզ: Ամէն» ճանապարհը սկսեցինք այս գեղեցիկ աղոթքով:

Մեր հերթական  հայրենագիտական-ուսումնական  ճամփորդությունն այս անգամ  Կոտայքի մարզում էր՝ Բջնիի հրաշալի  բնության գրկում:

Հաղթահարեցինք Բջնիի բերդի բարձունքը, Սուրբ Մարիամ Աստվածածին եկեղեցու ներսում մեր աղոթքն  ուղղեցինք առ Աստված, այնուհետև  քայլեցինք  վայելելու Հրազդան գետի զովությունը: Երգեցինք, խաղացինք, զբաղվեցինք տարածքի մաքրությամբ… Հրազդանի կողքին, ծառի տակ կազմակերպեցինք նկարչական պլեներ՝  մեր սովորողները նկարեցին գեղեցիկ Բջնին, Հրազդան գետը և բնությունը Կոտայքի մարզի…

Սիրով ներկայացնում ենք մեր ֆոտոշարքը՝

 

 

 

Рубрика: 1.1 դասարան, Ուսումնական ճամփորդություններ, Uncategorized | Оставить комментарий

«Հրազդա՛ն, դո՛ւ ես իմ այսուհետև նազելի՛ բնակարան». Ուսումնական ճամփորդություն դեպի Բջնիի բերդ, Սուրբ Աստվածածին եկեղեցի

 

Ճամփորդության մասնակիցներ — 1.1 դասարանի սովորողներ, ծնողներ,դասվար, երկարացված օրվա կազմակերպիչ,օգնական

Ճամփորդության օրը — ապրիլի 30

Ճամփորդության սկիզբ՝ 10:00, ավարտ՝16:30

Հանդիպում ենք Արևմտյան Դպրոց-պարտեզում

Bdgni's castel

 

Նախագծի նպատակն է.

(Քայլարշավ  Հրազդան գետի  տարածքով: Հավաքել տեղեկություններ գետի վերաբերյալ)

Ուսումնական, ճանաչողական, հետազոտական շրջայց, իմացական ոլորտի զարգացում:Ամրապնդել սովորողի կապը շրջապատող միջավայրի հետ: Հնարավորություն ստեղծել հետազոտական աշխատանքի միջոցով նորանոր տեղեկատվական գիտելիքներ ստանալ: Ներգրավել ծնողներին ուսումնական հետազոտական աշխատանքներում:

 

Խնդիրները.

Աշխարհաճանաչողության զարգացում

Հաղորդակցային կարողությունների զարգացում

Ճամփորդության նախապատրաստում

Սեփական ուժերի հանդեպ վստահության ձևավորում

Հաղորդակցման կարողությունների զարգացում

Ազգային խաղերի կազմակերպում

Նկարչական պլեներ Զանգվի ափին

 

Տարածքն ուսումնասիրելու, որոնողական աշխատանքներ կատարելու,տարածքի մասին ուսումնական նյութեր ստեղծելու և մշակելու կարողության զարգացում

Էկոլոգիական հանրօգուտ աշախատանքի իրականացում

Հարցազրույց վերցնելու, լրագրողական աշխատանքներ կիրառելու կարողությունների զարգացում

Տեղեկություններ հավաքելու, մշակելու կարողության զարգացում

ՏՀՏ հմտություններ(ձայնագրիչների, տեսախցիկների, ֆոտոխցիկների կիրառում

 

Սպասվելիք արդյունքները.

Երեխաները պատմում են ճամփորդության մասին

Նկարում են իրենց դուր եկած տեսարանը, առարկան և այլն.

Կձայնագրվեն նրանց պատումները

Նրանց արած ֆոտոներով և ձայնագրություններով կպատրաստենք ուսումնական ֆիլմ

Ընտրված վայրում կկազմակերպենք նկարչական պլեներ

Երեխաները կմեկնաբանեն իրենց նկարները,որը կլուսաբանենք տեսաֆիլմերով

Рубрика: 1.1 դասարան, Ուսումնական ճամփորդություններ, Uncategorized | Оставить комментарий

ԲՋՆԻԻ ԱՄՐՈՑ .Կոտայքի մարզ գ. Բջնի

 

Bdgni's castel

Բջնիի ամրոցը, գտնվում է Հրազդան գետի աջ ափին: Հիմնադրման ստույգ ժամանակը հայտնի չէ: Հիշատակվում է վաղ միջնադարից: Պահլավունի իշխանները X դ. վերաշինել են քարաժայռերի վրա եղած հինավուրց բերդը, այն դարձրել միջնադարյան Հայաստանի հզոր ամրոց և Բագրատունյաց Հայաստանի Անի մայրաքաղաքը հյուսիսից պաշտպանող կարևոր հենակետ:

Ամրոցը գյուղը բաժանում է երկու մասի (Մեծ Բջնի և Փոքր Բջնի): Հարավից, արևելքից և մասամբ արևմուտքից ամրոցը պաշտպանված է վերձիգ, անդնդախոր ժայռերով, իսկ հյուսիսից և արևմուտքից՝ կոպտատաշ որձաքարերով և կրաշաղախով կառուցված, կիսաբոլոր աշտարակներով հզորացված պարսպապատերով, որի երկարությունը հասնում է 120 մ: Ամբողջ բերդատարածքը բաժանված է Մեծ և Փոքր մասերի, որոնք իրարից անջատվել են պարսպաշղթայով: Բերդատարածքը խիտ կառուցապատված է եղել: Այստեղ նշմարելի են բազմաթիվ շինությունների ավերակներ ու հետքեր: Մեծ ամրոցում է գտնվել բազալտե քարերով կառուցված և կրաշաղախով սվաղված թաղածածկ ջրամբարը: Իսկ Փոքր կամ Ստորին բերդի հարավարևմտյան կողմում՝ պարսպաշղթայի մոտ, կառուցվել է դեպի Հրազդան գետը տանող թաղածածկ ու կամարակապ մուտքով գաղտնուղին: Բերդը ավերվել և ամայացել է XVI-XVII դդ.:

 

Рубрика: Uncategorized | Оставить комментарий

 

 

Рубрика: Նախագծեր, Uncategorized | Оставить комментарий

Կոտայքի մարզ. Հրազդան գետ

ՀՀ Կոտայքի մարզի տարածքով են հոսում Հրազդան և Ազատ գետերը: Հրազդան գետը (նախկին անվանումը` Զանգու) Արաքս գետի ձախ վտակներից է (երկարությու- նը` 141 կմ): Գետի համակարգում կա 340 վտակ, որոնցից 25-ն ունեն 10 կմ-ից ավելի երկարություն: Գետի խոշոր վտակներից են Մարմարիկը, Ծաղկաձորը, Արայի գետը, Գետառը:

Հրազդանը (նաև՝ Իլդարունի, Զանգու), ՀՀ խոշորագույն ու կարևորագույն գետերից է՝ Արաքսի ձախ վտակը։ Ունի 141 կմ երկարություն։ Ավազանի մակերեսը 2650 կմ² է (առանց Սևանա լճի)։ Այն սկիզբ է առնում Սևանա լճից, հոսում հարավ-արևմտյան ընդհանուր ուղղությամբ, անցնում Գեղարքունիքի, Կոտայքի մարզերով, Երևան քաղաքով, Արարատի մարզով ու թափվում Արաքսը։

Վերին հոսանքում մոտ 20 կմ հոսում է դեպի արևմուտք՝ այդ ընթացքում առաջացնելով գալարներ, միջին հոսանքում անցնում է նեղ ու խոր (120-150 մ) կիրճով, ստորին հոսանքում ուղղվում է դեպի հարավ-արևելք, դուրս գալիս Արարատյան դաշտ, դառնում հանդարտահոս ու ծովի մակարդակից 820 մ բարձրության վրա լցվում Արաքսը։ Գետի ընդհանուր անկումը կազմում է 1100 մ։ Բնական պայմաններում Հրազդանի սնումը 62.5%-ով ստորերկրյա է, հորդացումը՝ գարնանային, վարարումները՝ ամռանն ու աշնանը։ Հրազդանի վրա կառուցվել են Սևանի, Աթարբեկյան, Գյումուշի, Արզնիի, Քանաքեռի, Երևանի ՀԷԿ-երը, մի շարք ջրանցքներ, Երևանյան լիճը։

Рубрика: Uncategorized | Оставить комментарий

Զատկական տրամադրություն. Ձվիկագովք

Մենք մեր Զատկական շարքը համալրել ենք նաև Ձվիկագովքերով: Սիրով ներկայացնում ենք մեր ստեղծագործություններն ու նկարները…

Рубрика: 1.1 դասարան, Նախագծեր, Uncategorized | Оставить комментарий