Ջուլիետա Քերոբյանի հետ մեր համագործակցությունը շատ վաղուց է…
Երբ Ջուլիետան միայն ծնողական համայնքի ներկայացուցիչ էր , մի սիրուն օր՝ «Հարթակում ծնողն է» նախագծով մեզ հետ վարպետության պարապմունք անցկացրեց և սովորեցրեց նկարել շապիկների վրա։ Նախագիծը շատ սիրվեց և տարածվեց մեր դպրոցում։
Այսօր էլ արդեն Ջուլիետան նաև դասավանդում է մեր կրթահամալիրում , և միասին որոշեցինք զարգացնել մեր հավես նախագիծը։
«Ազգագրական փառատոն» — ի շրջանակում որոշեցինք ստեղծել հայկական զարդանախշերով գոտիներ և ճակտոցներ, որոնք սիրով կկրենք մեր միջոցառումների և «Ուրբաթ» համերգների ընթացքում։
Առաջին փուլում ծանոթացանք հայկական զարդարվեստին, ուսումնասիրեցինք Ջուլիետայի և իր ջոկատի առանձնացրած զարդանախշերը, այնուհետև ճամբարականները սկսեցին իրենք ստեղծել հայկական զարդանախշերով էսքիզներ։
Հավես ու սիրուն նախագծի մեկնարկը տրված է։
Մնացյալը՝ հաջորդիվ.
Իմ մասին
Ողջույն:
Ես Քրիստինե Հովսեփյանն եմ: Աշխատում եմ «Մխիթար Սեբաստացի» կրթահամալիրի Արևմտյան դպրոցում որպես դասվար: Մասնագիտությամբ բանասեր եմ: Սիրում եմ ընթերցել, ստեղծագործել, սպորտով զբաղվել, հեծանիվ վարել, ճամփորդել…Սիրում եմ մանուկների լուսառաք աշխարհը: Այստեղ անվերջ ստեղծագործելու հնարավորություն կա. այստեղ այնքա~ն սիրուն են գույները…
Քրիստինե Հովսեփյան 